 Міне, біздің «Ақпараттық Технология Дәуірінің Ұстаздары 2012» жобасы да өз мәресіне жетті. 2012 жылдың желтоқсан айының 13 – 14 жұлдызында Атырау қаласында жобаның қорытынды конференциясы өтіп, оған жоба барысында сертификатқа ие болған барлық белсенді ұстаздар қатынасты. 13- желтоқсан күні Microsoft Office пакетінің Word, Excel, Power Point программаларына тереңдетілген тренинг өткізілді. Тренингті жобаның бас тренері Ығылманова Гауһар жүргізді. 14 – желтоқсан күні конференцияның жабылу рәсімінде конференцияға қатысқан барлық ұстаздарға сертификаттар табысталды, өткізілген конкурстар жеңімпаздарын жариялады. «АТ қолданылып өткізілген ең үздік ашық сабақ» конкурсы бойынша А. Құнанбаев атындағы №15 мектептің қазақ тілі мен әдебиеті пәні мұғалімі Измамбетова Гүлнар; ал «Ең үздік веб – сайт» конкурсы бойынша №21 мектептің тарих пәні мұғалімі Исмуханова Нағима жеңімпаз атанды. Жобаны қаржыландырып отырған «Теңізшевройл» компаниясының атынан Айтжанова Гулнар Бекенқызы сөз сөйлеп, жеңімпаздарға сертификаттар мен құнды сыйлықтар табыстады. Сонымен қатар тренинг жүргізілген барлық мектептерге компьютерлік кабинеттерге арналған сыйлықтар үлестірілді. Соңында №15 мектептің мұғалімі, жеңімпаз Измамбетова Гулнар сөз сойлеп, « Бұл жоба біздің кәсіби шеберлігімізді арттыруды барлық жағынан да жол ашты» - деп қорытындылады. Тап осындай конференция 21 – желтоқсанда Құлсары қаласында да өткізілді. Мұнда да Microsoft Office пакетінің Word, Excel, Power Point программаларына тереңдетілген тренинг өткізілді. Тренингті жоба тренері Қожахметова Альбина жүргізді. Конференция соңында конференцияға қатысқан барлық ұстаздарға сертификаттар табысталып, тренинг жүргізілген барлық мектептерге компьютерлік кабинеттерге арналған сыйлықтар үлестірілді.
| 
рус / 
қаз
Барлығы: 11
Бір айда: 0
Бір аптада: 0
Кеше: 0 
Бүгін: 0